Ristrutturazione campanile – S. Lucia ai Monti

 

 

Ristrutturazione del campanile della parrocchia di S. Lucia ai Monti

 

 

 

El campanil ringiovanido

 

Eco ghe pasà un po de tempo e se catemo quà

adeso el campanil ringiovanido gavemo inaugurà

na alta inpalcadura montada e su e so i restauratori

Con passiensa e competenza i à finio i laori

Se tratava de netar via onto e sporco biso

Par ridarghe la so prima patina e un bel sorriso

Dove servea sa ga giustà e rimeso dei tochi

Per far tornare l’armonia e contentar i oci

Lè sta un laoro de cipria e belletto

Par farlo tornar al suo primo aspetto

Ma ghe stà dado anca un pò de sostanza

Par farlo durar tanto anzi abbastanza

Netado tuto ripiturà co colori el fondo e i contorni

Un bon lavoro durado quel che servia de giorni

Anca el tempo na dato na man

Tegnendo lontan piova e temporal

Adeso se pol vardarlo en auto el so splendore

Ghe slussega ben anca el quadrante co le so ore

dovi saver che lu l’è un bel tipo

longo magro e sempre drito

quel tanto de sfronzoli che basta

e in ponta la croce su la so asta

el se da importanza de portar là in alto le campane

par far arivar la so voce al paese e alle campagne

Adeso el mondo l’è tuto cambià

No se sa par cosa la campana labia sonà

Ma na olta le notissie le arivaa cossì a distanti e vissini

No ghera mia tv radio internet e telefonini

par dir le novità del paese e dell’universo

na campana e par tuto un rintocco diverso

par dir eco ghe i sposi par le feste e funerali

se sente le campane che sona e le par tutte uguali

ma par avisar l’arivo de na tempesta

eco che la campana sonava mesta

ma par veder le ore e a sentir scandir la giornada

par l’ave maria par mesogiorno par el vespro na sonada

scampanade par la fine de a guerra e la vittoria

finalmente un grazie a Dio un sospiro e un pò de baldoria

adeso l’è diventà tuto difarente

e le campane par che le serva poco o niente

e invesse par la festa par la mesa e la funsion

le na ricorda sempre l’ora de la devossion

e i nostri campanari a le corde tacadi

ne ricorda la tradission de i nostri avi

scuseme da sti discorsi me son fato la man ciapar

ma volea dirve un pò de storia e del nostro laorar

insieme gavemo meso mestier e giusto amor

podemo dir el campanil el ne restà nel cor

un gran ringrassiamento ghe disemo a tuti quanti

al paroco ai muradori pitori e tuti i abitanti

ai parrochiani, benefattori comune ed altri enti

che de aiutarne con qualche scheo i e stà contenti

adeso in paese par sti restauri podemo ben dir

che uniti tuti insieme semo stadi boni de finir

e cosi vardando lassù in alto de amirar

quel che con fede i nostri adri i è sta boni de far

e così anca noialtri se pol dir de aver fato la nostra parte

par tegner da conto a s. Lucia ai Monti de tuta questa bela arte.

Architetto Paolo Giacomelli

2018